لا طلة بالشباك
ولا ضيء حنين دايب ..!
ليه القمر غايب ؟!!
وين روعة الإحساس
الطيبة واللهفة ؟!!
وين الحرير والماس
وا شوقي للمرفأ
ليك غنت الأجراس
يا روعة يا إلفة
يا واحدة بين الناس
ما كان هواك صدفة ..!
ليه القمر غايب ؟!!!
مستني يا راسي
طلة جبين وخِديد
فرح الهوى الماسي
جنب الـ بريدو شديد
ارحم تعال آسي
يا بلبلي الغريد
ليل الشتات قاسي
والزول حبيبو بعيد ..!
ليه القمر غايب ؟!!
..............
محمد بدوي حجازي
شندي - 18 اكتوبر 2023
ليه القمر غايب؟!! رائعة من روائعك الجميلة التي افتقدناها.. كما عهدناك تتنقي مفرداتك البلاغية المدوزنة بالنغم.. نتمني الغيبة م تطول وتعود محمل بالابداع والعطاء الا محدود.. لك خالص التحايا وجميل الأمنيات دمت مبدعا 🌷🌷🌷
ردحذفجزيل الشكر على المرور وجميل التفاعل ... إمتناني ... 💥
حذف