وفي عينيك للصَّمت مراسي
ورغم الليل ومرارة كأسي
ما شكيَّـت في حبك أبدا ً
أو في يوم ظنيتك ناسي
عارف إني حبيبك وأكتر
قلبي دليلي وسر إحساسي
وعارف إني قريب لي روحك
وإنـِّك قمر الرُّوح الآسي
وعطر الشوق من أجمل وردة
وعارف كيف قلبك بيهواني
وشايف كيف في بُعـْدي بقاسي
وسامع رغم الصَّمت الباذخ
صوت دقـَّاتو الحالمة أماسي
وقلبي، الـذاب في ريدك، جنبو
يمسح دمعو، يحن ويواسي
ليه بتعاند وتنكر ريدك
وليه بتخون نبضك يا قاسي ؟!
...........
الخرطوم - نوفمبر 2018م
والله العظيم قمة الابداااااااع يا خال ..
ردحذفربنا يحفظك يااااارب ..
أنس كيفنكم - مرحب بيك يا راقي - لك التحايا والأماني الطيبة ..!
حذفرائعة جدا كعادتك إنتقاء المفردة وجمال السرد والتميز في الاداء ..سلمت يداك ودمت ودام إبداعك لك التحايا العطرة🌹
ردحذفالروعة مروركم ولطيف العبارة - شكري وتقديري ..!
حذف