ما كانت صـدفـه ،
دموع القلـب الـ حـن َّ وشـف َّ ،
غناوي القمـره ، طيـور الزفــَّه ،
وصبح العشـم الـ فيـك اتخفــَّى ،
ما كانت صــدفـه ..!
ما كانت صـدفـه ،
تهـل في دربي نجيـمه رحيـمه
أطـول أتشابى ، أنـادي الضـفـه ..!
ليه يا قـاسي تعـانـد قلبـك
وتنـكر صـدق الريـد واللهفـه ؟!
وتطفئ شمـوع الأمـل الباسـم
وتكسـر عشـم القلـب الـ رَّف َّ ؟!
ليـه والشـوق نديـان في عيـونـك
وعطـر الريـده محـال يتخفــَّـى ؟!
فـراش الحـب اتسـوَّر قلبـك
وغـرَّد ساجـع ونمنـم وقـفــَّا
ليه تتمـادي وتنسـى وليفـك
زول فـي دربـك أخلص ووفــَّا ؟!
سايـق قلبـو عليـك َ مأمـِّـل
والأشـواق ما كانت صـدفـه ..!
كم هدهدتـك في أحلامي
وعصفور قلبـك نـام واتدفــَّأ
وكم سامرت مواجع جرحي
وكم لوليـت القلـب الـ خـف َّ
وأنـا مستـني مراسـم جيتـك
وأنا راجيـك َ تـروِّق وتصـفى
كيف اتراجـع اسيـبك وامشـي
وكيف الموجـه تخـون المرفـأ ؟!
وليـه اتجبـَّـر أعانـد زيـَّـك
واطـوي شراعي واسيـب الدفــَّه ؟!
وعارف إنـك شايـل حيلي
وشايـف وجـع الروح المنفـى
وعصفـور فرحـك هدهـد
روحي
ونـوَّر دربي وأسعـد وكفــَّى
وعارف إني بريدك
وأكتـر
وغير عينيـك ما كانت
إلفـه
ما كانت صــدفه ألاقي هـواك
يا أحلى قـدر ،
ما كانت صـدفـه ..!
أم درمان - إحدى ليالي 2001م
