في الألم طال انتظارك
والألم كان انتصارك
ده اختيارك وما اختيارك ..!
ماشي وين، لي وين مسارك؟!
ارتضيت العتمة دارك
وكان مدار التيه مدارك
لا فرح في مرة زارك
لا جميل طاف في مزارك
ده اختيارك وما اختيارك ..!
ماشي وين، لي وين مسارك ؟!
يا ودود والصبر جارك
يا صبور والود جوارك
مين يهدهد نوح هزارك ؟!
ومين يسامر انكسارك ؟!
ده اختيارك، وما اختيارك ..!
ماشي وين، لي وين مسارك ؟!
الجمال كان ازدهارك
يا نبيل في احتضارك
كيف يكون في الريد ودارك ؟!
وليه تكون الجنة نارك ؟!
ده اختيارك وما اختيارك ..!
ماشي وين، لي وين مسارك ؟؟
............
محمد بدوي حجازي
أم درمان - اغسطس 2026
ليست هناك تعليقات:
إرسال تعليق