التسميات

الأربعاء، 3 مارس 2021

شـروق

 ما تخبـِّي الرّيد، ما تداري الشّوق 
ما تبقى بخيل، يا سِيد الذّوق 
تمضي الساعات في عُمُرْنا تسوق
والفرح الرَّاح ما تقول ملحوق
وتفوت أيام، ليلات وشروق
ما برجع يوم شان يرضي عشوق 
قول لو مشتاق: الشّوق، الشّوق 
عيش الأفراح زخـَّات وبروق 
ما تداري هواك، اليوم مسروق 
- يا أجمل فال - والحظ ممحوق
لو إنتَ حزين، خاطرك مخنوق 
بُوح، قول الرَّيد، والرّيد معتوق 
مالكني هواك وأنا بيكا مشوق
ارحمني وبُوح يا بان ممشوق
شايفك محتار وتقول لي: روق .!
كيف يهدأ هواي وأنا بيك مشروق؟!
يا أجمل كون، يا "كنْ معشوق"
من فيض النُّور بالحب مخلوق
ما تخبـِّي الرّيد، ما تداري الشّوق 
ما تبقى بخيل يا سيد الذّوق.
......................
الخرطوم - مارس 2021

هناك 4 تعليقات:

  1. قول لو مشتاق الشوق الشوق... كيف يهدأ هواي وانا بيك مشروق... روعاتك أستاذ غنيوة جميلة ومعبرة والمفردة ولا أروع انتقيتها بدقة متناهية ك عادتك نتمني تلحن وتطربنا بسماعها ملحنة كما اتحفتنا بها كلمات...لك الود أستاذ دمت متألق 👏 👏 👏

    ردحذف
    الردود
    1. لك الشكر على الملاحظة الجميلة ..!
      اخترت للغنوة مزج صوفي شكلا وموضوعا ويأتي السطر (الشوق، الشوق، الشوق ..) محاكاة لإيقاع النوبات في حلقة الذكر عند المتصوفةتأكيداً شكلياً للموضوع ...
      دمتم بخير ..!

      حذف
  2. ولك جميل الأمنيات دمت متألق 🌷

    ردحذف
  3. جميل الزوق محمد بدوي حجازي . . في القصيدة دي حاسي ود اللمين بغني فيها .. وآه لو يعلم

    ردحذف