التسميات

الأربعاء، 27 نوفمبر 2019

معـاك بـُكـرة

 
معاكْ هَسَّه ومعاكْ بـُكرة
شايليـن في عيوننا النـُّور
وقدامنـا الصَّبـاح ذكـرى 
شايفك بين جُمـال الشَّيـل 

وفي حد الشَّمـِس قـُدرة
وشايلك في ضفاير الخيل
وفي نبض القلـب فكرة
 
 
طلعتي تشـُقِّي قلب الويـل
وترسمي في الغيوم سـِدْرة
سحابك كان بريق السَّيـل
عيون أطفالنا والعَبـْرة  
 ناديتـك وفيـت الكيـل 
ودقـَّيت عيشي بالقَمـْرة
فريق السوق وناس "أم زين"
نارهم للصباح حَمـْرة

ما اتراجعتي سيبتي شليـل
ولا تاوقتـي منكسـرة
تتاكيك غيمة الضِّلِّيـل
ولسه خطاكي منتصرة 
وأنا الشايـل عهودي قِبيـل
وفي لوح الشمس بَقـْرأ
 شايفك في عيون الخيـل
شايفك والنجـوم بـِكـْرة
بتطلعي من سواد الليـل 
عزيزة، عظيمة يا سمرا.
.............
الخرطوم - نوفمبر 2019م

هناك 7 تعليقات:

  1. معاك بكرة...رائعة مفردة مميزة وسلسة وسرد اروع كما عهدناك مميز في كتاباتك وتنتقي المفردة بعناية لك التحايا دمت مبدعا

    ردحذف
    الردود
    1. ولك عاطر التحايا والود ...
      شكراً على الزيارة ولطف العبارة ..!

      حذف
    2. لا شكر على واجب أستاذ ولك جميل الأمنيات دمت بخير ��

      حذف
  2. ما اتراجعتي سبتي شليل ولا تاوقتي منكسرة..عزيزة عظيمة يا سمرا...مافي اجمل من كلامك السمح دمت طيب

    ردحذف