التسميات

الخميس، 15 نوفمبر 2018

اتمنى ألقاك المسا

اتمنى ألقاك المسـا
رويانة بي عطر الجلال
توب الجمال بيك اكتسى
شوق السنين، قمر الحنين
يتهادى في عينيك رِسـَا
ما إنت شايف لهفتي 
وكيف الزَّمن عاند، قسـا
أتمنى ألقاك يا وديع
يا طفل في الغيم اتنسى 
يا رايعة زي لمسة حنان
ورقيقة زي طيف الأسى
يا بهجة الصِّبا والصباح
كيفن لقاك، ليت َ وعسى
شفت الفراش يغري الزّهور
يحضن عيونا، يآنسـا
يتمد َّ في عمق الحضور 
والرَّيدة بالشوق يهمسـا 
كيفن قـِدِر يتلالى نور
في حضرة أجفان ناعسة ؟!
اتمنى ألقاك المسـا ..!
.................
الخرطوم - نوفمبر 2018م  

هناك تعليقان (2):

  1. اتمني القاك المساء جميلة كلماتك...دوام التميز والإبداع.

    ردحذف